काठमाडौं, ५ माघ । कोपा इटालिया फुटबलमा साम्पडारियालाई पराजित गर्दै युभेन्ट्स क्वाटरफाइनलमा प्रवेश गरेको छ ।
मंगलबार राति भएको खेलमा साम्पडोरियालाई ४–१ गोल अन्तरले हराउँदै युभेन्ट्स क्वाटरफाइनलमा पुगेको हो ।
युभेन्ट्सको घरेलु मैदानमा भएको खेलमा जुवान कोर्डाडोले २५औं मिनेटमा गोल गर्दै युभेन्ट्सलाई सुरुवाति अग्रता दिलाएका थिए ।
डानिली रुगानीले ५२औं मिनेटमा गोल गर्दा युभेन्ट्सको अग्रता दोब्बर बन्यो ।
साथै, ६३औं मिनेटमा आन्द्रे कोन्टीले गोल गर्दै साम्पडोरियालाई २–१ को स्थितिमा ल्याए ।
खेलको ६७औं मिनेटमा डिबालाले गोल गर्दै युभेन्ट्सलाई ३–१ को अग्रता दिलाए ।
यस्तै, खेलको ७७औं मिनेटमा अल्भारो मोराटाले पेनाल्टीमा गोल गर्दै युभेन्ट्सलाई ४–१ को जित दिलाए ।
