काठमाडौं, ६ माघ । नेपाली कांग्रेसका प्रभावशाली नेता सुरेन्द्रराज पाण्डेले पार्टीलाई अब एक ढिक्क बनाएर लैजानुपर्नेमा जोड दिएका छन् । उनले महाधिवेशनले दिएको म्याण्डेटलाई सबैले मान्नुपर्ने बताए ।
उनले सभापतिमा पराजित शेखर कोइरालाले पनि सभापति शेरबहादुर देउवालाई सहयोग गर्ने विश्वास दिलाए । हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् ।
उनले पार्टीमा सबैले सम्मानजनक स्थान पाउने पनि विश्वास दिलाए । उनले नेपाली जनताको मन जितेर कांग्रेसलाई अब एक नम्बरको पार्टी बनाउने बताए ।
