आशिष खनाल:
म जनता भईदिएको भए!
कास् म जनता भईदिएको भए,
म यो चुनाब बहिस्कार गर्थे मतपत्र होइन
सुइ माग्थे
तर बिडम्बना म जनता होइन,
म त भेडो हुँ! कास् म जनता भइदिएको भए,
मेरा बिगतमा तुईएका अमुल्य भोटका हिसाब खोज्थे,
उसलाई जिताउनुको औचित्य खोज्थे,
फेरि जिताउनु पेर्ने कारण खोज्थे!
तर बिडम्बना!म जनता होइन म त भेडो हुँ!
कास् म जनता भइदिएको भए,
बिगतको आसा र बर्तमानको निराशा बिर्सिने थिइन,
जीउदा लासले मरेका लासलाई
जलाउनु पर्ने बाध्यता भुल्ने थिइन,
अब फेरि मरिगए कसैलाई भोट दिने थिइन,
तर बिडम्बना! म जनता होइन,
म त भेडो हुँ!
कास् म जनता भईदिएको भए,
कसैलाई फेरि विश्वास गर्ने थीइन,
आफ्नै खुट्टामा बन्चरो हान्ने गल्ति
फेरि दोहोर्याउने थिइन,
कसैको चम्चागिरि गर्ने नै थिइन,
तर बिडम्बना! म जनता होइन, म त भेडो हुँ!
