कैलाली, १० माघ । कैलालीको पाठक पेट्रोल पम्प नजिक हायस बस दुर्घटना भएको छ । अत्तरियाबाट धनगढीतर्फ आइरहेको सु.प.प्र ०२ ००१ ख ११६६ नम्बरको हायसले ल ना ४ ख १९१५ नम्बरको ट्रकलाई पछाडिबाट ठक्कर दिँदा १६ जना घाइते भएका हुन् ।
प्रहरीको अनुसार ६ लेन सडकमा हायसले ट्रकलाई पछाडिबाट ठक्कर दिँदा दुर्घटना भएको हो ।
हायस चालक धर्मराज जोशी, अम्रिता चन्द, दीपिका जोशी, विमला जोशी, शारदा भट्ट, गोविन्द भट्ट, मणि जोशी, रमेश जोशी र पुष्पा भट्टलगायत १६ जना दुर्घटनामा परेर घाइते भएका हुन् ।
घाइतेको धनगढी र अत्तरियाका विभिन्न अस्पतालमा उपचार भइरहेको छ ।
