काठमाडौं, ११ माघ । नेप्सेमा मंगलबार ५ अंकको गिरावट आउँदा ५ अर्ब बढीको कारोबार भएको छ । शेयरबजारमा मंगलबार सबैभन्दा धेरै एशियन लाइफ इन्स्योरेन्स कम्पनीको शेयर कारोबार भएको छ ।
कम्पनीको आज २६ करोड ९४ लाख रुपैयाँको शेयर कारोबार भएको हो । त्यस्तै, कम्पनीको शेयर मुल्य १३ सय २२ रुपैयाँ कायम भएको छ ।
यसैगरी, आज अपि पावर कम्पनीको २२ करोड ८२ लाख, एनआइसी एशिया बैंकको १९ करोड ६८ लाख बढीको शेयर कारोबार भएको छ । बैंकको आज ८६७ रुपैयाँ शेयर मुल्य कायम भएको छ ।
त्यस्तै, नेपाल लाइफ इन्स्योरेन्स कम्पनीको १४ करोड २२ लाख रुपैयाँको शेयर कारोबार भएको छ ।
