काठमाडौं, १२ माघ । आज भएको राष्ट्रियसभा सदस्य निर्वाचनको नतिजा आजै सार्वजनिक गर्ने तयारी निर्वाचन आयोगले गरेको छ । आयोगको अनुसार १९ पदका लागि सातै प्रदेशमा दिउँसो ३ बजेसम्ममा निर्वाचन सम्पन्न हुनेछ । आवश्यक प्रक्रिया पूरा गरेर आजै नतिजा सार्वजनिक गर्ने आयोगले जनाएको हो ।
राष्ट्रिय सभा निर्वाचनमा २ हजार २५ मतदाताले भोट हाल्नेछन् । प्रदेश सभा सदस्य र स्थानीय तहका प्रमुख र उपप्रमुख मतदाता रहने व्यवस्था रहेको छ । राष्ट्रियसभाको १९ जना सदस्यका लागि ४३ जना उम्मेदवार चुनावी प्रतिस्पर्धामा छन् ।
