एजेन्सी, १३ माघ। अफगानिस्तानकाे काबुलबाट गएको हप्ता दुई महिला अधिकारकर्मी बेपत्ता भएको विषयमा तालिवानले आफ्नो भनाइ राखेको छ । अन्तर्राष्ट्रिय स्तरमा तालिवानले नै महिला अधिकारकर्मीलाई बेपत्ता पारेको आराेपको खण्डन गर्दै तालिवानले आफूले कुनै पनि महिलालाई अपहरण नगरेको प्रष्ट पारेको हो ।
अफगानिस्तानका सूचना तथा सांस्कृतिक मामिला मन्त्री जबीहुल्लाह मुजाहिदले महिला हननको आरोप आधारहीन भएको बीबीसीले जनाएको छ ।
अफगानिस्तानका महिला अधिकारकर्मीले यसै हप्ता नर्बेको राजधानी ओस्लोमा तालिबानको राजनीतिक प्रतिनिधिमडलसँग भेटघाट गरेको थियो । अधिकारकर्मीले अफगानिस्तानमा महिला सुरक्षा कायम गर्न समेत अपिल गरेको थियो ।
अफगानिस्तानमा तालिवान सत्तामा आएपछि महिला अधिकार हननकाे विषयलाई लिएर अन्तर्राष्ट्रिय स्तरमा आलोचना खेपिरहेको छ ।-Photo: Agency
