बैतडी, १३ माघ । बैतडीमा बिहीबार बिहान बस दुर्घटना भएको छ । मेलौलीमा बस दुर्घटना हुँदा ८ जना घाइते भएको प्रहरीले जनाएको छ ।
महेन्द्रनगरदेखि मेलौलीतर्फ गइरहेको पवनदुत यतायातको ना ७ ख २५७० नम्बरको बस बैतडीको मेलौली नगरपालिका २ रौतगाउँमा दुर्घटना भएको हो ।
घाइते हुनेमा मेलौली नगरपालिका ६ का ४८ वर्षीया कमलापती भट्ट, ९ का २४ वर्षीया दुर्गा भट्ट, सोही ठाउँका ६८ वर्षीय रामसिंह साउद र २ का २१ वर्षीय मनिस चन्द,पूजा भट्ट, सुशीला चन्द,जनक औजी र सिराज अन्सारी पनि घाइते भएका छन् ।
घाइतेको डडेल्धुरामा उपचार भइरहेको छ । बस बिहान ६ बजे दुर्घटनामा परेको हो । बस सडकबाट ५ मिटर तल खसेको छ ।
