एजेन्सी, १४ माघ । अफगानिस्तानमा संयुक्त राष्ट्र सहायता नियोग (UNAMA) ले देशमा मानवअधिकार उल्लङ्घनका घटनाहरूप्रति गहिरो चिन्ता व्यक्त गरेको छ।
अफगानिस्तानको आन्तरिक मामिला मन्त्रालयमा तालिवान अधिकारीहरूसँगको भेटमा युनामा मानवअधिकारले अफगानिस्तानमा यस्ता घटनाहरूको अनुसन्धान, पारदर्शिता र जवाफदेहिताको आवश्यकता रहेको बताएको छ।
UNAMA मानव अधिकारले आज @moiafgansthan मा तालिवान अधिकारीहरूसँग भेट गर्यो“ ट्वीटमा लेखिएको छ।
मानवअधिकार उल्लङ्घनका कथित मुद्दाहरू र पूर्व ANSF/ सरकारी सदस्यहरू, नागरिक समाज, मिडिया, न्यायपालिका, धार्मिक धर्मगुरुहरू र महिला कार्यकर्ताहरूका सरोकारहरूबारे छलफल गरियो। छानबिन, पारदर्शिता चाहिन्छ, ट्वीटमा जनाइएको छ।
अफगानिस्तानमा २०२१ को शुरुदेखि जुलाई २०२१ सम्म कम्तिमा ३० पत्रकार र सञ्चारकर्मीको हत्या, हातपात र घाइते भएका छन् । र तीमध्ये धेरैलाई सरकारी अधिकारीहरूले धम्की दिएको अफगानिस्तानको गैर नाफा नाइको प्रतिवेदनमा उल्लेख गरिएको छ । त्यसैगरी गत नोभेम्बरमा अफगानिस्तानको उत्तरी बाल्ख प्रान्तको मजार(ए(शरीफ शहरमा चार महिला कार्यकर्ताको हत्या भएको थियो ।
तालिबानको सत्ता कब्जापछि महिलाविरुद्ध विभिन्न हिंसाका घटनाहरू बढेका छन्।
विश्वभरिबाट बारम्बार आह्वान गरिए पनि तालिबानले महिला सुरक्षा र समावेशी सरकारको आश्वासनमा आफ्ना वाचाहरू पूरा गर्न असफल भएको छ। रासस
