काठमाडौं, १५ माघ । कालिका लघुवित्त वित्तीय संस्था लिमिटेडले चालु आर्थिक वर्ष २०७८÷७९ को दोश्रो त्रैमाससम्मको अपरिष्कृत वित्तिय विवरण प्रकाशित गरेको छ ।
उक्त विवरण अनुसार चालु आर्थिक वर्षको दोश्रो त्रैमाससम्म आइपुग्दा संस्थाले ८ करोड ४० लाख ९५ हजार रुपैयाँ खुद नाफा आर्जन गर्न सफल भएको छ । यो नाफा रकम गत वर्षको सोही अवधिको तुलनामा २०५.१८ प्रतिशतले बढि हो । गत वर्षको यसै अवधिमा संस्थाले २ करोड ७५ लाख ५५ हजार रूपैयाँ खुद नाफा आर्जन गरेको थियो।
समिक्षा अवधिसम्म संस्थाको खुद व्याज आम्दानी पनि १६.३६ प्रतिशतले बढेर १५ करोड १६ लाख ७० हजार रूपैयाँ पुगेको छ । गत वर्षको यसै अवधिमा संस्थाको खुद व्याज आम्दानी १३ करोड ३ लाख ३७ हजार रूपैयाँ रहेको थियो ।
दोश्रो त्रैमाससम्म आइपुग्दा संस्थाको सञ्चालन मुनाफा पनि ५६५.८४ प्रतिशतले बढेर ६ करोड ३७ लाख ५५ हजार रूपैयाँ पुगेको छ । गत वर्ष संस्थाले ९५ लाख ७५ हजार रूपैयाँ मात्र सञ्चालन मुनाफा गरेको थियो ।
त्यस्तै, संस्थाको चुक्ता पुँजी २७ करोड ६८ लाख ८१ हजार रुपैयाँ र जगेडा कोषमा २२ करोड ७ लाख १६ हजार रुपैयाँ सञ्चित रहेको छ । संस्थाको प्रतिसेयर आम्दानी (ईपीएस) ६० रुपैयाँ ७४ पैसा रहेको छ ।
