एजेन्सी, १८ माघ । सारा अली खान बलिउडकी ती अभिनेत्री हुन् जो सामाजिक सञ्जालमा निकै सक्रिय रहन्छिन् । फिल्मबाहेक साराले आफ्नो पर्सनल लाइफको अपडेट पनि फ्यानसँग सेयर गरिरहेकी हुन्छिन् । हालै नायिकाले आफ्ना केही तस्विर शेयर गरेकी छिन् । जसमा उनका भाइ इब्राहिम अली खान पनि देखिएका छन् । तस्बिरमा सारा साहसिक कार्य गरिरहेको देखिएकी छिन् । उनका यी तस्विर इन्टरनेटमा निकै भाइरल भइरहेका छन् ।
वास्तवमा, सारा अली खानलाई छुट्टी मनाउन मन पर्छ। सुटिङबाट फुर्सद मिल्ने वित्तिकै उनी घुम्न निस्कन्छिन् । यतिबेला सारा कश्मीरको उपत्यकाको मजा लिइरहेकी छिन् । जसका केही तस्विर उनले आफ्नो इन्स्टाग्राममा सेयर गरेकी हुन् ।
तस्बिरमा सारासँग उनका भाई बाहेक उनका साथीहरू पनि देखिएका छन् । केही तस्विरमा सारा स्नो जेट स्की र स्नो बोर्डिङ गर्दै देखिएकी छिन् भने केही तस्विरमा उनी हिउँले ढाकिएको गुलमर्गको पहाडमा बसेकी देखिन्छिन् । तस्बिरमा सारा र इब्राहिमको क्यूट दाजु–बहिनीको केमेस्ट्री पनि देख्न सकिन्छ । साराका यी तस्विरलाई मानिसहरुले निकै मन पराएका छन् र धेरै कमेन्ट र लाइक पाइरहेका छन् ।
सारा अली खान केही दिनअघि लक्ष्मण उतेकरको फिल्मको सुटिङका लागि इन्दौर पुगेकी थिइन् र त्यहाँबाट पनि आफ्ना धेरै तस्विर शेयर गरिन् । जसमा उनका धेरै तस्विर महाकालेश्वर ज्योतिर्लिङ्ग र ओमकारेश्वर मन्दिरका थिए । यसका साथै साराले नर्मदा नदीको किनारमा बसेको केही तस्विर पनि सेयर गरेकी छिन् ।
सारा अब चाँडै फिल्म लुका छुपी २ मा देखिनेछिन् । सारा पछिल्लो पटक आनन्द एल राईको फिल्म ‘अतरंगी रे’ मा अक्षय कुमार र धनुषसँग देखिएकी थिइन् ।
