भक्तपुर, १९ माघ । कोरोना भाइरसको तिव्र संक्रमणको कारण स्थगित भएका प्राविधिक शिक्षा तथा व्यावसायिक तालीम परिषद् (सीटीईभीटीका) सम्पुर्ण परीक्षा फागुन ६ गते देखि पुनः सञ्चालन हुने भएका छन् ।
आज सीटीईभीटीको परीक्षा नियन्त्रण कार्यालयले एक सूचना जारी गरेर स्थगित भएका सबै परीक्षाहरू फागुन ६ गतेदेखि पुनः सञ्चालन हुने जानकारी दिएको हो ।
गत माघ ११ गतेको निर्णयअनुसार स्थगन भएका सम्पूर्ण परीक्षाहरू कोभिड १९ संकट व्यवस्थापन केन्द्र र नेपाल सरकारले तोकेको स्वास्थ्य सम्बन्धी मापदण्ड पूर्ण रूपमा पालना गरी संचालन हुने सीटीईभीटीले जनाएको छ ।
विस्तृत परीक्षा तालिका www.ctevtexam.org.np मा प्रकाशित गरिएको कार्यालयले जनाएको छ ।
