काठमाडौं, २० माघ । भारतीय राष्ट्रिय क्रिकेट टोलीका ४ खेलाडी सहित ७ जनामा कोरोना संक्रमण पुष्टी भएको छ ।
वेस्ट इन्डिजविरुद्धको एकदिवसीय र टी–ट्वान्टी सिरिजका लागि घोषणा गरिएको टोलीका ४ खेलाडीमा कोरोना संक्रमण पुष्टी भएको हो ।
पूर्वकप्तान शिखर धवन, श्रेयस आयर, रुतुराज गायकवाड र नभदिप सैनीलाई कोरोना संक्रमण देखिएको क्रिकइन्फोले जनाएको छ ।
खेलाडीहरुमा संक्रमण देखिएपछि भारतीय टोली क्वारेन्टिनमा बसेको जनाइएको छ ।
भारतले घरेलु मैदानमा वेस्ट इन्डिजविरुद्ध ३ खेलको एकदिवसीय र ३ खेलको टी–२० सिरिज खेल्नेछ ।
पहिलो एकदिवसीय फेब्रुअरी ६ बाट सुरु हुनेछ भने टी–२० फेब्रुअरी १६ मा पहिलो टी–२० हुनेछ ।
