काठमाडौं, २१ माघ । सहिद स्मारक ए डिभिजन लिग फुटबल अन्तरर्गत कोरोनाका कारण रोकिएको नेपाल पुलिस क्लब र च्यासल युथ क्लबबीचको खेल तालिका पुनः परिवर्तन गरिएको छ ।
अखिल नेपाल फुटबल संघ (एन्फा) ले माघ २२ गते (शनिबार)का लागि तोकेको पुलिस र च्यासलबीचको खेल माघ २६ गते हुने जानकारी दिएको छ ।
त्रिपुरेश्वर स्थित दशरथ रंगशाला मैदान वर्षाका कारण खराब भएपछि खेलतालिका परिवर्तन गरिएको एन्फाले जनाएको छ ।
नवौं चरणको खेल अन्तर्गत माघ २ गते हुने खेल च्यासलका केहि खेलाडीमा कोरोना संक्रमण पुष्टी भएपछि स्थगित भएको थियो ।
पुलिस ८ खेलमा ७ अंक जोड्दै ११औं स्थानमा रहेको छ भने च्यासल ५ अंकका साथ १३ औं स्थानमा रहेको छ ।
