काठमाडौं, २१ माघ । भ्लगर चेतन कार्की सिन्धुलीबाट पक्राउ परेका छन् ।
गोलन्जोर गाउँपालिका स्थित राजमार्गको प्रहरी चेक पोइन्टबाट उनी पक्राउ गरेको जिल्ला प्रहरी कार्यालयले सिन्धुलीले जनाएको छ ।
उनलाई बर्दिबासबाट धुलिखेल आउँदै गरेको अवस्थामा प्रहरीले ब्राउनसुगर र गाँजासहित १९ गते पक्राउ गरेको हो ।
मिनी ट्रक चलाएर आएका कार्कीमाथि प्रहरीले चेक गर्दा ४.१३० ग्राम ब्राउन सुगर र ६.९४० ग्राम गाँजासहित पक्राउ परेका थिए ।
उनीमाथि लागुऔषध मुद्दामा सिन्धुली जिल्ला अदालतबाट सात दिन म्याद थप गरी अनुसन्धान भइरहेको छ ।
