काठमाडौं, २३ माघ । चर्चीत र्यापर बालेन शाहले नालायकहरु पदमा बसेको टुलुटुलु हेर्नु पाप सम्झेर आफु काठमाडौं महानगरपालीकाको मियरमा उठ्ने घोषणा गरेको बताएका छन् ।
पछिल्लो समय युवाहरु माझ लोकप्रिय बन्दै गएको सन्जय सिलवाल गुप्ताको पोडकास्टमा कुरा गर्ने क्रममा उनले आफु नाम र दामको लागी नभएर नालायकहरु पदमा बसेको हेर्नु पनि पाप हो भन्ने लागेर मियर पदमा चुनाव लड्ने घोषणा गरेको बताएका हुन् ।
यस्तै, उनले पैसाको लागी मियरमा उठ्यो भन्नेलाई जवाफ समेत दिएका छन् । ‘म सँग ५ तलाको घर काठमाडौंमा छ, मैले २५ वर्ष हुँदादेखि नै गाढी चढ्या हो आफैंले कमाएर,
त्यसैले पैसाको लागि हुँदै होइन,’उनले भने ।
साथै, इन्जिनियर समेत रहेका शाहले आफुलाई पैसा कमाउन अनेक बाटा रहेको बताउदै उनले भने ‘मैले गित गाउँदा, डिजाइन गर्दा, कन्स्ट्रक्सन गर्दा, इन्ड्रोसमेन्ट गर्दा जे गर्दापनि पैसा आँउछ भनेपछि पैसाको लागी किन मियर बन्नुपर्थो ? राम्रो मान्छे भएको भए मैले यत्रो दुख किन गरिरहनु पर्थ्यो ? मेरो त आरामको जिन्दगी चलिरहेको छ, आनन्दले चलाइथ्यो, ।’ तस्विरः सन्जय सिलवाल गुप्ता पोडकास्ट
