काठमाडौं, २६ माघ । नेकपा (माओवादी केन्द्र) का बाग्मती प्रदेशका अध्यक्ष सरल यात्रीले सभामुख अग्निप्रसाद सापकोटा महाभियोग सामना गर्न तयार रहेको बताएका छन्। उनले देशको सामू गठबन्धन के चिज हो ? भन्दै प्रश्नपनि गरेका छन् ।
पछिल्लो समय एमाले नेताहरुल्े सभामुखविरुद्ध महाभियोग लगाउने सकिने भन्न थालेको बेलामा यात्रीको यस्तो टिप्पणी आएको हो ।
उनले सामाजिक सञ्जाल फेशबुकमार्फत लेखेका छन्-
#लगाउ_महाअभियोग_तोड_गठवन्धन देशको सामु नाथु गठवन्धन के चिज हो ? गठवन्धनका कुरा छाड, संसारका कुनैपनि साम्राज्यवादी तागतका सामु आफ्नो स्वाभिमान समर्पण गर्ने लाछी स्कुलिङ होईन माओवादी पार्टीको । लगाउ महाअभियोग ! केही हल्लिनेछैन । सभामुख यसको सामना गर्न तयार छन् ।
विस्तारै तिमी दलालहरुका असलियत खुल्दैछ कि एमसिसि टेबल गर्न अस्वीकार गरेकै कारण कृष्णबहादुर महरालाई सभामुखबाट हटाउन रोषनीकाण्डको प्रपञ्च तयार पारिएको थियो । वर्तमान सभामुख अग्नी प्रसाद सापकोटा माथी नियोजित अर्जुन लामा हत्याको मुध्दा उचाल्ने नीरन्तरको असफल प्रयास जारी छ ।
तैपनि तत्काल यो मुध्दाले एमसिसि टेबल नगर्ने सभामुख सापकोटाको अडानमा हलचल नआएपछी कथित नागरिक अगुवा र राजनीतिक दलका पर्दाले आफ्ना असली अनुहार छोपेका सिआईए र रअ का दलालहरुले सभामुखलाई महाअभियोगको घोषणा गरेछन् ! निर्लज्ज देशद्रोहीहरु !!
