काठमाडौं, २७ माघ । कोपा इटालिया फुटबलमा लाजियोमाथि फराकिलो जित निकाल्दै एसी मिलान सेमिफाइनलमा प्रवेश गरेको छ ।
बुधबार राति भएको खेलमा लाजियोलाई ४–० गोल अन्तरले पराजित गर्दै मिलान सेमिफाइनल प्रवेश गरेको हो ।
खेलको २४औं मिनेटमा राफेल लियो गोल गर्दै मिलानलाई सुरुवाति अग्रता दिलाए ।
खेलको ४१औं मिनेटमा ओलिभर जिरुडले गोल गर्दै मिलानको अग्रता दोब्बर बनाए ।
पहिलो हाफको इन्जुरी समयमा जिरुडले व्यक्तिगत दोस्रो गोल गर्दै खेललाई ३–० को स्थितिमा ल्याए ।
यस्तै, खेलको ७९औं मिनेटमा फ्रान्क केसीले गोल गर्दै मिलानलाई ४–० को शानदार जित दिलाए ।
