काठमाडौं, २८ माघ । इंग्लिस प्रिमियर लिग फुटबलमा लिभरपुलले लेस्टर सिटीमाथि जित निकालेको छ ।
बिहीबार राति भएको खेलमा लिभरपुलले सिटीलाई २–० गोल अन्तरले पराजित गरेको हो ।
खेलको ३४औं मिनेटमा डिएगो जोटाले गोल गर्दै लिभरपुललाई सुरुआती अग्रता दिलाएका थिए ।
साथै, खेलको ८७औं मिनेटमा जोटाले व्यक्तिगत दोस्रो गोल गर्दै लिभरपुललाई २–० को जित दिलाए ।
यस जितसँगै लिभरपुल २३ खेलमा ५१ अंक जोड्दै तालिकाको दोस्रो स्थानमा रहेको छ ।
२६ अंक जोडेको लेस्टर १२औं स्थानमा रहेको छ ।
