एजेन्सी, २८ माघ। भारतीय चर्चित टेलिभिजन शो ‘शक्तिमान’ अब ठूलो पर्दामा आउने निश्चित भएको छ। सोनी पिक्चर्स इन्डियाले सुपरहिरो फिल्मका रुपमा ‘शक्तिमान’लाई निर्माण गर्ने जनाएको हो। सोनी पिक्चर्सले इन्स्टाग्राममा एक टिजर सार्वजनिक गर्दै फिल्म निर्माणको घोषणा गरेको हो।
सोनी पिक्चर्सले फिल्म निर्माणको अधिकार खरिद गरेको जनाइएको छ। ब्रुइङ थट्स प्राइभेट लिमिटेड र मुकेश खन्नाको भीष्म इन्टरनेशनलसँगको सहकार्यमा सोनी पिक्चर्स इन्डियाले ‘शक्तिमान’लाई ठूलो पर्दामा ल्याउने तयारी गरेको हो।
बलिउडको अहिलेसम्मकै ठूलो सुपरहिरो फिल्मको रुपमा ‘शक्तिमान’ निर्माण हुने जनाइएको छ।-Photo: Agency
