काठमाडौं, २८ माघ । चर्चित र्यापर तथा काठमाडौं महानगरपालिकाका मेयरका आकांक्षी बालेन शाहले क्रान्ती ‘क’ बाट नभएर ज्ञानको ‘ज्ञ’ बाट सुरुहुने बताएका छन् ।
सामाजि सञ्जाल फेसबुकमा आफ्नो तस्विर राख्दै उनले यस्तो क्याप्सन राखेका हुन् ।
इन्जिनियर समेत रहेका शाहले काठमाडौं महानगरपालिकाको मेयरमा उम्मेद्वारी घोषणा गरेसँगै बिभिन्न व्यक्तिवहरुसँग सकारात्मक छलफलमा गर्दै आएका छन् । साथै, उनले काठमाडौं उपमहानगरको सम्पदालाई बचाउने विषयमा समेत छलफल गरिरहेको सामाजिक सञ्जाल मार्फत जानकारी दिएका छन् ।
युवाहरुमाझँ र्यापको माध्यममार्फत लोकप्रिय रहेका शाहको सामाजिक सञ्जालमा निकै चर्चा हुने गरेको छ ।
केहि दिन अघि शाहले एक पोडकास्टमा बोल्दै नालायकहरु पदमा बसेको टुलुटुलु हेरेर बसे पाप लाग्छ भन्ने सोचेर आफु मेयरमा उठ्न लागेको बताएका थिए ।
