काठमाडौं, फागुन ४ । आज प्रतिनिधि सभा कार्यव्यवस्था परामर्श समितिको बैठक बस्दैछ । सभामुख अग्नि सापकोटाको आह्वानमा आजको बैठक बस्न लागेको हो । बिहान साढे १० बजे बस्ने तयारी रहेको परामर्श समितिको बैठकमा एमसीसी संसदमा टेबुल गर्नेबारेमा छलफल हुँदैछ ।
आजै दिउँसो १ बजे प्रतिनिधि सभा बैठक बोलाइएको छ । त्यसअघि परामर्श समितिको बैठक बोलाइएको हो । यसअघि दलहरुबीच राष्ट्रिय सहमति नबन्दा पटक पटक प्रतिनिधिसभा बैठक स्थगित हुदै आएको थियो ।
