काठमाडौं, ६ फागुन । युरोपा लिग फुटबल अन्तर्गत अन्तिम ३२ को पहिलो लेगमा बार्सिलोना नापोलीसँग बराबरीमा रोकिएको छ ।
बिहीबार राति भएको खेलमा बार्सिलोना इटालियन क्लब नापोलीसँग १–१ गोलको बराबरीमा रोकिएको हो ।
बार्सिलोनाको घरेलु मैदानमा भएको खेलको २९औं मिनेटमा पिओट्र जिलिन्सकीले गोल गर्दै नापोलीलाई सुरुवाति अग्रता दिलाएका थिए ।
तर, खेलको ५९औं मिनेटमा बार्सिलोनाका फेरान टोरेसले पेनाल्टी मार्फत गोल गर्दै टोलीलाई हारबाट जोगिए ।
अब बार्सिलोना र नापोलीबीचको दोस्रो लेग फेब्रुअरी २४ मा हुनेछ ।
