काठमाडौं, ६ फागुन। नेपाली कांग्रेसका सहमहामन्त्री महेन्द्र यादवले एमसीसी संसद्बाट पारित हुने बताएका छन् । र, पाँच दलीय गठबन्धन पनि नटुट्ने उनको दाबी छ । हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् ।
उनले भने,‘एमसीसी पारित हुन्छ, पाँच दलीय गठबन्धन पनि टुट्दैन् ।’ उनले नेकपा (माओवादी केन्द्र) का अध्यक्ष पुष्पकमल दाहालले पनि एमसीसी पास गर्ने भनेर नै प्रधानमन्त्री शेरबहादुर देउवासँग मिलेर अमेरिकालाई पत्र लेखेको स्मरण गराए । उनले अमेरिकी सेना आउने भन्नेपनि गलत हल्ला फैलाईएको सुनाए ।
