काठमाडौं, ६ फागुन । आईसीसी पुरुष टी–ट्वान्टी विश्वकप ग्लोबल छनोट अन्तर्गत ओमानविरुद्धको खेलमा नेपालले सातौं विकेट गुमाएको छ ।
टस हारेर पहिले ब्याटिङ गरिरहेको नेपालले खराब सूरुवात गरेको छ । सातौं विकेटको रुपमा नेपालले कमल सिंह ऐरीलाई गुमाएको हो ।
नेपालले छैटौं विकेटको रुपमा विवेक कुमार यादवलाई गुमाएको छ । १८ ओभरको नोक्सानीमा नेपालले सात विकेट गुमाउँदै ९१ रन बनाएको छ ।
नेपालले पाचौं विकेटको रुपमा लोकेश बमलाई गुमायो । उनले १६ रन मात्र जोड्न सके ।
चौथो विकेटको रुपमा नेपालले दिपेन्द्र सिंह ऐरीलाई गुमायो । उनले १८ बलमा ११ रन जोडे ।
तेस्रो विकेटको रुपमा नेपालले पूर्व कप्तान ज्ञानेन्द्रलाई मल्ललाई गुमाएको थियो । उनले १५ बलमा १५ रन जोडे ।
अल अमेरात क्रिकेट मैदानमा जारी खेलमा नेपालले आशिफ शेखलाई पहिलो विकेट रुपमा पहिलो ओभरमै गुमाएको हो ।
आशिफ पहिलो ओभरमा ४ रन बनाएर आउट भए । यस्तै, तेस्रो ओभरमा नेपालले दोस्रो विकेटको रुपमा अर्का ओपनर कुशल भुर्तेललाई गुमायो । कुशलले ५ रन मात्र जोड्न सके ।
