काठमाडौं, ११ फागुन । च्याम्पियन्स लिग फुटबलको अन्तिम १६ को पहिलो लेगमा चेल्सीले लिलमाथि जित निकालेको छ ।
मंगलबार राति भएको खेलमा चेल्सीले लिललाई २–० गोल अन्तरले पराजित गरेको हो ।
घरेलु मैदानमा भएको खेलमा आठौं मिनेटमा काइ हार्भट्जले गोल गर्दै चेल्सीलाई सुरुआती अग्रता दिलाएका थिए ।
त्यसपछि खेलको ६३औं मिनेटमा क्रिस्टियन पुलिसिचले गोल गर्दै चेल्सीलाई २–० को जित दिलाए ।
यस जितसँगै चेल्सीले अन्तिम आठमा पुग्ने सम्भावना बलियो बनाएको छ ।
