काठमाडौं, १३ फागुन। नेकपा (एकीकृत समाजवादी) का सांसदहरुको छलफल सकिएको छ । अध्यक्ष तथा संसदीय दलका नेता माधवकुमार नेपालको अध्यक्षतामा सिंहदरबारमा भएको छलफलमा यथास्थितिमा एमसीसी पास गराउन नसकिने निश्कर्ष निकालिएको सांसद जीवनराम श्रेष्ठले जानकारी दिए ।
उनले एमसीसीमा भएका गलत प्रावधान सच्याउनुपर्नेमा पार्टीले जोड दिएको पनि सुनाए । तर, अहिलेको गठबन्धन पनि आवश्यक रहेकोबारे निश्कर्ष निकालिएको उनले जनाए । उनले अहिले विकसित राजनीतिक घट्नाक्रमबारे पनि समिक्षा भएको सुनाए । एमालेले सभामुख अग्निप्रसाद सापकोटाविरुद्ध षड्यन्त्र गर्न खोजेकोबारे पनि छलफल भएको श्रेष्ठले प्रष्ट पारे ।
तस्विर : मुकुन्द कालिकोटे, रिपोर्टर्स नेपाल डटकम
