एजेन्सी, १६ फागुन। रुसको आक्रमणबाट विश्वकै सबैभन्दा ठूलो विमान ‘एन्टोनोभ–२२५’ ध्वस्त भएको अन्तर्राष्ट्रिय सञ्चारमाध्यमहरुमा खबर छ । युक्रेनको राजधानी कीभ नजिकै गोस्टोमेल एयरफिल्डमा मर्मतको क्रममा रहेको ‘एन्टोनोभ–२२५’ रुसी आक्रमणमा परि ध्वस्त भएको युक्रेनी विदेशमन्त्री दिमित्रो कुलेबाले जानकारी गराएका हुन् ।
६ वटा इन्जिन भएको ८४ मिटर लामो एन्टोनोभ कार्गो विमान विश्वकै ठूलो हो । उक्त विमानले सन् १९८८ मा पहिलो पटक उडान भरेको थियो । एन्टोनोभको व्यवस्थापन गर्दै आएको युक्रेनको सरकारी रक्षा कम्पनी युक्रोबोरोनप्रोमका अनुसार विमानको मर्मतका लागि ५ वर्षभन्दा बढी समय र ३ अर्ब अमेरिकी डलर लाग्न सक्नेछ ।
युक्रेनको उड्डयन र हवाई कार्गो क्षेत्रमा रुसले जानाजान क्षती पुर्याएको भन्दै विमानको सम्पूर्ण मर्मत लागत रुसले व्यहोर्नुपर्ने पनि कम्पनीले जनाएको छ ।-Photo: Agency
The biggest plane in the world "Mriya" (The Dream) was destroyed by Russian occupants on an airfield near Kyiv. We will rebuild the plane. We will fulfill our dream of a strong, free, and democratic Ukraine. pic.twitter.com/Gy6DN8E1VR
