काठमाडौँ, १६ फागुन। संसद् भवन अगाडि भेटिएको शंकास्पद वस्तु डिस्पोज गरिएको छ । नेपाली सेनाको बम डिस्पोजल टोलीले उक्त शंकास्पद वस्तु डिस्पोज गरेको हो ।
बानेश्वरको व्यस्त सडकमा अज्ञात समूहले आज (सोमबार) बिहान ‘नो एमसीसी’ लेखेर प्रेसर कुकर छाडेका थिए । त्यसपछि सुरक्षाकर्मीले घटनास्थललाई नियन्त्रणमा लिएर शंकास्पद बस्तु झण्डै दुई घण्टा लगाएर डिस्पोज गरिएको हो । उक्त शंकास्पद कुकरभित्र खाली कागज र प्लाष्टिक भेटिएको सेनाले जनाएको छ । एमसीसीको विरोधमा आज विभिन्न साना ८ कम्युनिस्ट घटकले बन्दको आह्वान गरेका छन् ।
