रुसी सेना राजधानी किभबाट मात्र २७ किलोमिटर टाढा
एजेन्सी, १७ फागुन । युक्रेन विरुद्ध रुसको आक्रमण छैटौं दिन पनि जारी छ । युक्रेनका कूटनीतिज्ञले संयुक्त राष्ट्र संघको महासभामा रुसी आक्रमणमा हालसम्म १६ बालबालिकासहित ३५२ युक्रेनी नागरिक मारिएको बताए । गोलीबारी अझै जारी रहेकोले मृत्यु हुनेको संख्या बढ्न सक्ने बताइएको छ ।
युक्रेनका राष्ट्रपतिले पछिल्लो पाँच दिनमा रुसले युक्रेनमा ५६ रकेट र ११३ क्रुज मिसाइल प्रहार गरेको बताए । रुसको हिंसात्मक कारबाहीका बीच दुवै देशले तनाव कम गर्न कूटनीतिक प्रयास पनि गरिरहेका छन् । हिजो राति बेलारुस–युक्रेन सीमामा दुई देशबीच ६ घण्टा वार्ता भएपनि निष्कर्षविहीन भएको थियो ।
युक्रेनको राजधानी कीभमा रुसी आक्रमणपछि उज्यालो देखिएको छ । रुसले युक्रेनका दुई सहर (बर्दियान्स्क र एनरहोदर) कब्जा गरेको छ। रुसी सेना राजधानी कीभ नजिक पुगेको छ ।
स्याटेलाइट–इमेजिङ कम्पनी म्याक्सर टेक्नोलोजीद्वारा जारी गरिएको एउटा स्याटेलाइटले रुसी सेना राजधानी कीभबाट २७ किलोमिटर टाढा एन्टोनोभ एयरपोर्ट नजिक पुगेको देखाएको छ। अमेरिकी रक्षा मन्त्रालय पेन्टागनले युक्रेनी सीमामा तैनाथ रुसी सेनाको ७५ प्रतिशत युक्रेन प्रवेश गरेको जनाएको छ । तर, पश्चिमी देशहरूले रुसी सेनाहरू लजिस्टिक समस्याका कारण तीव्र गतिमा अघि बढ्न नसक्ने बताएका छन् ।
अमेरिकी रक्षा मन्त्रालय पेन्टागनले युक्रेनी सीमामा तैनाथ रुसी सेनाको ७५ प्रतिशत युक्रेन प्रवेश गरेको जनाएको छ । तर, पश्चिमी देशहरूले रुसी सेनाहरू लजिस्टिक समस्याका कारण तीव्र गतिमा अघि बढ्न नसक्ने बताएका छन् ।
खार्किवमा रूसी वायुसेनाको आक्रमण पछि विनाशको दृश्य। संयुक्त राष्ट्रसंघका अनुसार युद्ध सुरु भएयता ५.२० लाख मानिस युक्रेन छोडेर अन्य देशमा शरण लिएका छन् । योसँगै १ लाख ६० हजार आन्तरिक विस्थापित भएका छन् ।
राजधानी कीभ नजिकै रहेको बुका सहरमा पनि रुसको आक्रमण जारी छ । बुकामा भएको हवाई हमलाका कारण अवस्था यति बिग्रिएको छ कि जताततै शवहरु परेका छन् र हटाउने कोही छैन ।
न्यूयोर्क टाइम्सले रक्षा विज्ञहरूलाई उद्धृत गर्दै भनेको छ– रुसले युक्रेनी सेनालाई प्रमुख शहरहरूमा प्रवेश गर्नबाट रोक्छ भन्ने आशा गरेको थिएन।
युक्रेनी अधिकारीहरूले सोमबार रूसी सेनाले युक्रेनको दोस्रो ठूलो सहर खार्किभको आवासीय क्षेत्रमा रकेट प्रहार गरेको आरोप लगाएका छन्। यस हमलामा नौ जनाको मृत्यु भएको छ भने दर्जनौं घाइते भएका छन् ।
रुसी आक्रमणका कारण युक्रेनको स्थानीय पूर्वाधार नराम्ररी प्रभावित भएको छ । नेदरल्याण्डमा आधारित बैंकले रूस विरुद्धको युद्ध अपराधको पनि अनुसन्धान गर्नेछ।
