संखुवासभा, १७ फागुन । मृग मारी लैजादै गरेको अवस्थामा भरुवा बन्दुक सहित पक्राउ परेका छन् । चैनपुर नगरपालिका–७ वालेश्वर जंगलबाट १ थान भरुवा बन्दुक र मारेको मृग सहित सोही नगरपालिका–७ फलाटे बस्ने सभापोखरी गाउँपालिका–४ घर भएका ३५ वर्षीय दिल बहादुर श्रेष्ठलाई सोमबार बिहान प्रहरीले पक्राउ गरेको हो ।
उक्त जंगलमा जंगली जनावरको सिकार हुँदै छ सूचनाको आधारमा अस्थाई प्रहरी पोष्ट पिलुवा खोलाबाट खटिएको प्रहरीले दिल बहादुरलाई मृग मारी घरतर्फ लैजान लागेको अवस्थामा पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
