एजेन्सी, १८ फागुन । युक्रेनको राजधानी कीभमा रुसी आक्रमणको बीचमा राष्ट्रपति वोल्डोमिर जेलेन्स्कीले बंकरबाट टिभी अन्तर्वार्ता दिएका छन् । सीएनएनलाई दिएको यो अन्तर्वार्तामा जेलेन्स्कीले भनेका छन्, ‘हामी जीवन बचाउनका लागि आएका हौँ, फिल्म शूट गर्न होइन । पुटिनको यो आक्रमणको बिरुद्ध सारा विश्वले लड्नु पर्ने छ ।
रुस–युक्रेन शान्ति वार्ताको क्रममा रहेको प्रश्नमा जेलेन्स्कीले युक्रेनका सहरहरूमा रुसी आक्रमण जारी रहेसम्म शान्तिको सम्भावना नरहेको बताए । उनले युक्रेन युरोपको मुटु भएको र युरोपले यसलाई गुमाउन नचाहेको बताए । जेलेन्स्कीले अगाडि भनेका छन्, ‘सबैभन्दा पहिले तपाईंले अब के गर्ने भन्ने निर्णय गर्नुहोस्। हामी रसियासँग कुरा गरिरहेका छौं, तर पुटिन सहमत छैनन् भने, यो स्पष्ट छ कि समय बर्बाद भइरहेको छ।
कमेडिनबाट युक्रेनका राष्ट्रपति बनेका जेलेन्स्कीले एक प्रश्नको जवाफमा म आइकन होइन, युक्रेनका जनता आइकन भएको बताए । यो युक्रेन बचाउने लडाई हो। उनले बाइडेन प्रशासनले रुसका विषयमा कडा र ठूलो निर्णय लिनुपर्ने बताए । नाटोमा सामेल हुने प्रश्नमा उनले यो निर्णय आफूले गर्ने हो, नाटो होइन भने ग्यारेन्टी चाहिन्छ । यहाँ ग्यारेन्टीको अर्थ यो हो कि त्यहाँ कहिल्यै रूसी सीमामा आक्रमण हुनेछैन।राष्ट्रपति हुनु अघि, जेलेन्स्की एक प्रसिद्ध हास्य कलाकार थिए।
युरोपेली संघका उपाध्यक्ष मार्गारीटा सिनासोले युक्रेनको अनुरोध सही भएको बताइन्। अर्को हप्ताको बैठकमा सदस्यता बारे विचार गरिनेछ। यसअघि कार्यक्रममा बोल्दै जेलेन्स्कीले भनेका थिए कि हामी हाम्रो जन्मभूमिको रक्षा गर्न युद्ध लडिरहेका छौं। हामीलाई पनि स्वतन्त्रता मन पर्छ । हाम्रा सहरहरू घेराबन्दी भए पनि हाम्रो एकतालाई कुनै पनि शक्तिले तोड्न सक्दैन, तोड्न सक्दैन। उनले आज युरोपियन युनियनले आफू सत्यको साथमा छ, हामीसँग छ भन्ने प्रमाणित गर्नुपर्ने बताए । यो युक्रेनको बारेमा मात्र होइन, तर यो मानवताको बारेमा हो।
दोस्रो चरणको वार्ता आज
रुसी समाचार एजेन्सी टासका अनुसार युक्रेन र रुसबीच मेलमिलापका लागि दोस्रो चरणको वार्ता बुधबार हुने भएको छ । यो वार्ता बेलारुस–पोल्याण्ड सीमामा प्रस्तावित छ। यसअघि सोमबार दुई देशबीच पाँच घण्टा वार्ता भएको थियो । तर, वार्ता कुनै ठोस निष्कर्षविना टुंगिएको थियो ।
