बुढानिलकण्ठमा शरीरमा चोटपटक लागेको अवस्थामा पुरुषको शव भेटियो

काठमाडौं, १८ फागुन । काठमाडौंंको बुढानिलकण्ठमा पुरुषको शव फेला परेको छ । बुढानिलकण्ठमा नगरपालिका–५ स्थित प्लटिङ गरिएको जग्गामा एक युवकको शव फेला परेको प्रहरीले जनाएको छ ।

अन्दाजी ३० वर्षका देखिने पुरुषको शरीरमा विभिन्न भागमा चोटपटक देखिएको हुनाले हत्या गरेर अन्य स्थानबाट उक्त स्थानमा फालेको हुन सक्ने प्रहरीले प्रारम्भिक अनुमान गरेको छ । मृतकको सनाखत हुन सकेको छैन् ।