एजेन्सी, २३ फागुन । कोरोना महामारीका कारण विगत २ वर्षदेखि स्थगित भएको आइफा अवार्ड यो यस वर्ष मे २० र २१ मा अबु धाबीको यास आइल्याण्डमा आयोजना हुने भएको छ । यसपटक सलमान खानले आइफा अवार्ड होस्ट गर्ने भएका छन् ।
प्राप्त विशेष जानकारी अनुसार यस समारोहमा वरुण धवनले पनि विशेष प्रस्तुति दिनेछन् । यो पटक आइफाको २२ औं सिजन हो, यस कार्यक्रमका आयोजकहरूले मार्च ८ बाट अनलाइन टिकट बिक्री सुरु गर्दैछन्।
सलमान खान पनि धेरै उत्साहित भएका छन् । आइफाको हिस्सा बन्न पाउँदा निकै खुशी भएको वरुण धमलले पनि बताएका छन् ।
वरुण धवनले भने, “आइफामा प्रदर्शन गर्न पाउनु सधैं ठूलो आनन्दको कुरा हो। हामी सबैले महामारीको समयमा आइफालाई मिस गर्यौं र अब यो धमाका साथ फर्किएको छ र म यसको एक हिस्सा हुन पाउँदा धेरै खुसी छु। अबु धाबीको यास आइल्याण्डमा आईफा अवार्डको २२ औं संस्करण।’
