काठमाडौं, २५ फागुन । प्रधानमन्त्री पत्नी डा. आरजु देउवा सिंगापुर उडेकी छिन् । उनी सिंगापुर एयरलाइन्सको उडान नम्बर एस क्यु ४३९ बाट सिंगापुर उडेकी हुन् ।
२ बज्न लाग्दा सिंगापुर एयरलाइन्सको विमान उडेको बुझिएको छ । उनी के कारणले सिंगापुर उडेकी हुन् खुलेको छैन । यो उनको नितान्त व्यक्तिगत भ्रमण हो । सिंगापुरबाट उनी अन्य मुलुकमा जाने चर्चा पनि छ ।
आरजु राणा देशभन्दा बढी देशबाहिर दौडाहामा छिन् । उनको सक्रियता निकै बढी छ । प्रधानमन्त्री शेरबहादुर देउवाको अधिकांश कामहरुमा उनको भूमिका रहन्छ ।
अनौपचारिक राजनीतिक भेटघाटमा पनि आरजु जाने गरेकी छिन् । निर्णायक अवस्थामा देउवाले आरजुकै सल्लाह लिने गरेका छन् ।
देउवालाई सभापतिमा जिताउन उनले काँग्रेसभित्र महत्वपूर्ण भूमिका निभाइन् । यसकारण पनि देउवा आरजुको क्षमताबाट निकै प्रसन्न रहेको बुझिएको छ ।
