काठमाडौं, २६ फागुन । भोलि हुने नेपाल इन्जिनियर्स एशोसिएसनको ३३औं कार्यकारीणी समितिको निर्वाचनमा एकिकृत प्रगतिशिल इन्जिनियर समुहको जित सुनिश्चित भएको ई.डा.सनत थापाले बताएका छन् । रिपोर्टर्स क्लब नेपालको युट्युब च्यानलबाट प्रसारण भएको कार्यक्रम ‘वैचारिक मन्थन’मा पत्रकार सचिना बानियाँसँग कुरा गर्दै उप–महासचिव पदका उम्मेदवार समेत रहेका ई.डा.थापाले यस्तो दाबी गरेका हन् ।
थापाले आफ्नो समुह निर्वाचित भएमा नेपालमा भएका सबै इन्जिनियरहरुको समस्या समाधान गर्ने बताए । इन्जिनियर्स एशोशिएसनको सदस्यता लिएको १५ वर्षमा मात्रै एशोशिएसनको अध्यक्ष लड्ने व्यवस्था परिवर्तन गर्न आफुहरु लागेको उनको भनाई थियो । उनले नवोदित इन्जिनियरहरुलाई रोजगारीको समस्या भएको तर अहिलेको नेतृत्वले समाधान गर्न नसकेको अवस्थामा अब आफुहरु निर्वाचित भएमा उनीहरुको व्यवस्थापन गर्ने समेत प्रतिवद्धता गरे ।
भिडियो हेर्नुहोस्
