एजेन्सी, २९ फागुन । साउदी अरबमा एकै दिन ८१ जनालाई फाँसी दिइएको छ । उनीहरु सबै बालबालिकाको अपहरण गरी हत्या, यातना दिने, महिलालाई बलात्कार गर्ने र हतियार तस्कर जस्ता अपराधमा संलग्न थिए ।
विदेशीलाई पनि सजाय दिइयोः साउदीका बासिन्दाबाहेक केही विदेशीलाई पनि यो मृत्युदण्ड दिइएको छ । तीमध्ये अधिकांश यमनका बासिन्दा थिए। अदालतमा सुनुवाइपछि यी सबै अपराधीलाई अदालतले मृत्युदण्डको सजाय सुनाएको थियो ।
फाँसीमा झुण्डिएका ८१ जनामध्ये ७३ साउदी नागरिक, सात यमनी र एक सिरियाली थिए । उनीहरुले सुरक्षाकर्मीलाई मार्ने प्रयास गरेका थिए । धेरै प्रहरी चौकीलाई निशाना बनाइयो । ती मध्ये एकजना आइएसका लागि काम गर्ने यमनका नागरिक थिए। धेरैजसो अल कायदा, इस्लामिक स्टेट र हुथी विद्रोही संगठनसँग आबद्ध आतंकवादी थिए।
धेरै आरोपी आतङ्ककारी संगठनसँग आवद्ध थिए
साउदीको अदालतले यी ८१ अपराधीलाई अपहरण, यातना, सुरक्षा अधिकारीको हत्या र आतंकवादी सेल बनाउने अभियोगमा दोषी ठहर गर्दै सजाय सुनाएको हो । साउदी प्रेस एजेन्सीले एक विज्ञप्तिमा मृत्युदण्ड दिइएकाहरूले साउदी अरबमा आक्रमण गर्ने योजना बनाएको बताएको छ। यस्तो अवस्थामा साउदी सरकारले आतंकवादविरुद्ध कडा कारबाही गर्नेछ।
मृत्युदण्डको सजाय पाएको यो सबैभन्दा ठूलो संख्या हो: विभिन्न मुद्दामा दोषी ठहर भएका अपराधीलाई मृत्युदण्ड दिनेमा खाडी राष्ट्रहरू अगाडि छन्। साउदी अरेबियामा हालैका दिनहरूमा मृत्युदण्डको सजाय सुनाइएका व्यक्तिहरूको यो सबैभन्दा ठूलो संख्या हो (८१ जनालाई सजाय सुनाइएको)। यसअघि २०२१ मा ६७ अपराधीलाई सजाय दिइएको थियो । सन् २०२० मा २७ अपराधीलाई मृत्युदण्ड दिइएको थियो । सन् २०१९ मा साउदी अरबमा ३७ जनालाई मृत्युदण्ड दिइएको थियो । जनवरी २०१६ मा ४७ जनाको टाउको काटिएको थियो ।
