काठमाडौं, २ चैत्र । चर्चित टिभी अभिनेत्री शमा सिकन्दरले लामो समयदेखि प्रेमी जेम्स मिलिरनसँग सोमबार गोवामा विवाह गरेकी छन् । शमाले सन् २०१६ मा जेम्ससँग विवाह गरेपछि अहिले दुवैले गोवामा साथीभाइ र परिवारको उपस्थितिमा विवाह गरेका छन् । शमा भन्दा पहिले पनि कैयौं अभिनेत्रीहरु विदेशीसँग बिहे गरेर बसिसकेका छन् । जानौं को हुन् ती अभिनेत्री–
प्रीति जिन्टाः डिम्पल गर्ल प्रीति जिन्टाले सन् २०१६ मा विदेशी व्यापारी जीन गुडइनफसँग विवाह गरेकी थिइन् । लस एन्जलसमा आयोजित एक निजी समारोहमा यो जोडीले विवाहको संस्कार पूरा गरेका थिए । दम्पतीले हालै सरोगेसी मार्फत दुई सन्तानलाई स्वागत गरेका छन् । उनीहरुका जुम्ल्याहाको नाम जय र जिया हो ।
प्रियंका चोपडाः देसी प्रियंका चोपडाले सन् २०१८ मा अन्तर्राष्ट्रिय पप स्टार निक जोनससँग विवाह गरेकी थिइन् । जयपुरको उम्मेद भवन प्यालेसमा हिन्दू र क्रिस्चियन परम्परा अनुसार विवाह भएको हो । विवाहको तीन वर्षपछि दम्पतीको कान्छी छोरी जन्मियो ।
सेलिना जेटलीः अभिनेत्री सेलिना जेटलीले सन् २०१६ मा अस्ट्रेलियन पिटर हागसँग विवाह गरेकी थिइन् । सेलेनाले विवाहित जीवनका लागि फिल्मबाट पनि ब्रेक लिएकी थिइन् । सेलेनाले सन् २०१२ र २०१७ मा दुई पटक जुम्ल्याहा बच्चा जन्माएकी थिइन् तर दोस्रो पटक जन्मिएका जुम्ल्याहामध्ये एकको मुटु रोगका कारण मृत्यु भएको थियो ।
राधिका आप्टेः राधिका आप्टेले सन् २०१३ मा बेनेडिक्ट टेलरसँग विवाह गरेकी थिइन् । यी दुईको भेट सन् २०१२ मा भएको थियो । करिब एक वर्ष लिभिङ रिलेशनशिपमा रहेपछि दुवैले २०१३ मा विवाह गरेका थिए ।
कल्कि कोचलिनःअनुराग कश्यपसँग सम्बन्धविच्छेद गरेपछि कल्की कोचलिन गाय हर्शबर्गसँग बसेकी छिन् । कल्की विवाहित भएकी छैनन् तर उनी गाईसँगै बस्छिन् । दम्पतीको सफो नामको छोरा पनि छ ।
श्रिया शरणः दृश्यम अभिनेत्री श्रिया सरनले २०१६ मा रुसी प्रेमी आन्द्रेई कोचिएभसँग विवाह गरेकी थिइन् । यो जोडीले मुम्बईमा हिन्दु रिति अनुसार विवाह गरेका हुन् । सन् २०२१ मा दम्पतीको छोरीको जन्म भयो, जसको नाम राधा हो ।
