काठमाडौं, ७ चैत्र । नेकपा (एमाले)ले आगामी पार्टी स्थापनाको दिन वैशाख ९ गते स्थानीय चुनावका लागि पार्टीको घोषणा पत्र सार्वजनिक गर्ने भएको छ ।
एमालेको आज बसेको पोलिटब्युरोको बैठकले पार्टीको विशेष दिन वैशाख ९ मा केन्द्रीय घोषणा पत्र र हरेक पालिकामा प्रतिवद्धता पत्र सार्वजनिक गर्ने निर्णय गरेको हो ।
सोमबार बसेको पोलिटब्युरोको बैठकले चैत ९ र १० गते बस्ने केन्द्रीय कमिटी बैठकमा पेस हुने ११ एजेन्डा पनि पास गर्दै स्थानीय तहका उम्मेदवार छनोटको मापदण्ड, केन्द्रीय नेताको भूमिका लगायत विषयमा पनि छलफल गरेको स्रोतले जनाएको छ।
