एजेन्सी, ८ चैत्र । चलचित्र ‘रनवे ३४’ को ट्रेलर सार्वजनिक भएको छ । ट्रेलरमा अजय देवगन कमर्शियल पाइलटको भूमिकामा रहेको देखाइएको छ ।
उनले खराब मौसममा ३५ हजार फिटको उचाइमा उडानका यात्रुको ज्यान बचाइरहेका छन् । यस फिल्ममा अजयका अलावा रकुल प्रीत सिंह महिला पाइलटको भूमिकामा छन् । योसँगै अमिताभ बच्चन वरिष्ठ अधिकारीको भूमिकामा छन् ।
सामाजिक सञ्जालमा टिजर सेयर गर्दै अजयले लेखेका छन्, ‘सत्य जमिनबाट ३५ हजार फिट माथि लुकेको छ । यो फिल्मबाट अजय देवगन निर्देशकको रुपमा डेब्यु गर्दैछन् । फिल्म २९ अप्रिल २०२२ मा इदको अवसरमा रिलिज हुनेछ ।
