काठमाडौं, ९ चैत्र । नेकपा (एमाले) का सचिव तथा गण्डकी प्रदेशका पूर्व मुख्यमन्त्री पृथ्वीसुब्बा गुरुङले जसपाका संघीय परिषद् अध्यक्ष डा. बाबुराम भट्टराईसँग भेटवार्ता गरेका छन् । अध्यक्ष भट्टराईले नै गुरुङसँगको भेटवार्ताको तस्विर सार्वजनिक गरेका छन् । उनले फेशुबकमा लेखेका छन्–‘गण्डकी प्रदेशका पूर्व मुख्यमन्त्री पृथ्वीसुब्बा गुरूंगसंग रमाइलो चियागफ !प्रदेशको विकास रणनीतिवारे उपयोगी छलफल !’
पछिल्लो समय स्थानीय तहको निर्वाचन नजिकिएसँगै दलहरुबीच चुनावी तालमेलको विषयमा छलफल चलिरहेको छ । बाबुराम भट्टराईले एमालेसँग तालमेलको लागि पहल थालेको चर्चा पनि चल्न थालेको छ । उनले केही पहिला अरु नेताभन्दा एमाले अध्यक्ष केपी शर्मा ओली निर्णय लिनसक्ने नेता भन्दै चित्रणसमेत गरेका थिए ।
