काठमाडौं, ९ चैत्र । नेकपा एमाले केन्द्रीय कमिटी बैठक कार्की बैंकेट बबरमहलमा चलिरहँदा दुईजना पत्रकारबीच मुक्कामुक्की भयो । उनीहरु दुवैले एक अर्कामाथि मुक्का हान्न थालेपछि छुट्याउनै मुश्किल परेको थियो ।
सुरक्षाकर्मी पुगेर झगडा छुट्याएको थियो । यसरी मुक्कामुक्की गर्ने पत्रकारमा हिमालय टेलिभिजनका श्याम थापा र बाह्रखरी डट कमका हरिशजंग क्षेत्री हुन् । दुवैले विवाद गर्न थालेपछि हात हालाहाल गरेका थिए ।
घटनामा हिमालयका थापाको आँखामुनी चोट लागेको छ । दुवै पत्रकारलाई राखेर मिलापत्र गराइएको बुझिएको छ ।
