एजेन्सी, १३ चैत्र । अविश्वासको प्रस्तावसँगै पाकिस्तानका प्रधानमन्त्री इमरान खान दिनप्रतिदिन समस्यामा फसेका छन् । पाकिस्तान मुस्लिम लिग–नवाज (पीएमएल–एन)की उपाध्यक्ष मरियम नवाजले इमरान खान र उनकी श्रीमतीमाथि ठूलो आरोप लगाएकी छन् । शनिबार मरियम नवाजले इमरान खान र उनकी पत्नी बुशरा बीबीमाथि ६ अर्ब पाकिस्तानी रुपैयाँ घुस लिएको आरोप लगाएकी हुन् । यससँगै उनले यसलाई ‘सबै घोटालाको जननी’ भनेकी छिन्।
इमरान खानमाथि मरियम नवाजलाई भनिन्, ‘प्रधानमन्त्रीलाई ‘अलविदा’ भन्न विपक्षी पनि इस्लामाबाद जानेछन् ।’ तीन पटकका पूर्वप्रधानमन्त्री नवाज सरिफकी छोरीले इस्लामावादको मोडल टाउनमा आफ्नो पार्टी कार्यकर्तालाई सम्बोधन गर्ने क्रममा यी गम्भीर आरोप लगाएकी हुन् । ¥यालीका क्रममा मरियमले भनिन् कि म फराह (बुशरा बीबीकी साथी) को नाम दिन हिम्मत गर्छु जो स्थानान्तरण र पोस्टिंग मार्फत लाखौं रुपैयाँ कमाउने र बानीगाला (पीएम खानको निवास) सँग सीधै जोडिएको छ। उनले पीटीआई सरकारलाई अविश्वासको प्रस्तावमार्फत घर पठाएपछि भ्रष्टाचारका धेरै कथाहरू बाहिर आउने बताइन् ।
उनले इमरान खान सरकारका सबै घोटालाको जननी ६ अर्ब रुपैयाँको ट्रान्सफर र पोस्टिङको रकम भएको र यो बानीगालासँग प्रत्यक्ष सम्बन्धित रहेको बताइन् । मरियमले आगामी दिनहरूमा चकित पार्ने प्रमाणहरू बाहिर आउने बताइन्। इमरान खान सत्ताबाट बाहिरिएपछि आफ्नो ‘चोरी’ समातिन्छ कि भन्ने डर छ । यस क्रममा मरियम नवाजले प्रधानमन्त्रीलाई केही आत्मसम्मान देखाउन आग्रह गरिन् र सत्तामा रहन समय खोज्नुको सट्टा राजीनामा दिन आग्रह गरिन् ।
‘आज इमरान खान जनतासँग नभई अरु कसैसँग (संस्थापन) सहयोगको याचना गरिरहेका छन् । तर म उनीहरूलाई भन्न चाहन्छु कि अब उनीहरूलाई बचाउन कोही आउँदैन।’ मरियमले भनिन्, ‘इमरानसँग कुनै ट्रम्प कार्ड बाँकी छैन, तर उनको सरकारका दिनहरू गनिएका छन्। आफूविरुद्ध संसदमा दर्ता भएको अविश्वासको प्रस्तावको मतगणनामा ढिलाइ गरेर उनले आफ्नो शासन केही दिन लम्ब्याउँदैछन् । बिना अख्तियारको सत्तामा टाँसिएर उसले कति अपमान सहन चाहन्छ ।’
