तनहुँ, १५ चैत्र । तनहुँ बन्दिपुर गाउँपालिका–२ स्थित सिमल्टार खानेपानी आयोजनाको उद्घाटन कार्यक्रमको मिति फेरी सारिएको छ । नेपाली कांग्रेसका नेता डा.शेखर कोइरालाको प्रमुख आतिथ्यमा हुने उक्त कार्यक्रम यसअघि कांग्रेस केन्द्रीय समितिको बैठकका कारण स्थगित भएको थियो ।
सिमल्टार खानेपानी आयोजनाको उद्घाटन कार्यक्रमको लागि आगामी चैत्र २० गते डा.कोइराला १० बजे पुग्ने कार्यक्रम रहेको उनको सचिवालयले जनाएको छ ।
उक्त कार्यक्रममा कांग्रेस उप–सभापति धनराज गुरुङ, महामन्त्री गगन थापा, केन्द्रीय सदस्य गोविन्द भट्टराई, संकर भण्डारी,पुर्व जिल्ला सभापति ध्रुव वाग्लेलगायतका थुप्रै नेताहरुलाई निमन्त्रणा दिएको आयोजनाका अध्यक्ष रोजन बानियाँले बताए ।
