काठमाडौं, १७ चैत्र । व्यवसायी ई. प्रशान्त झा रिपोर्टर्स क्लब नेपाल–२०७८ सम्मानबाट सम्मानित भएका छन् । क्लबको २४औं वार्षिकोत्सवको अवसरमा आज (बिहीबार) आयोजित विशेष समारोहमा प्रधानमन्त्री शेरबहादुर देउवाबाट झा सम्मानित भएका हुन् । कोभिड कालमा पुर्याएको अतुलनीय योगदानको लागि झालाई क्लबले विशेष सम्मान गरेको हो । झा युवा उदयीमान व्यवसायी हुन् ।
झालाई प्रदान गरिएको सम्मानपत्रमा भनिएको छ,‘कोभिड –१९ को महामारी बेलामा विरामीहरको लागि जीवन रक्षक बनेको अक्सिजन प्लान्ट देशको दुरदराजको क्षेत्रमा जडानमा अहोरात्र नेपाली नागरिकप्रति पुर्याउनु भएको सेवाको उच्च मूल्यांकन गर्दै तपाईँलाई रिपोर्टर्स क्लब नेपालको २४औं वार्षिकोत्स्वको अवसरमा विशेष सम्मान गरिउको छ । तपाईको उत्तरोत्तर प्रगतिको शुभकामना !’
