एजेन्सी, १८ चैत्र । भारतीय हास्य कलाकार भारती सिंह गर्भवती छिन् । उनको यही महिना डेलिभरीको समय हो । तर हालसम्म बच्चाको जन्म भएको छैन् । तर उनलाई छोरी जन्माएको भनेर बधाई दिनेहरुको ओइरो लागेको छ ।
भारतीले आफुलाई मानिसहरूले मेसेज गरेर आफुलाई बधाई दिइरहेको बताएकी हुन् । भारती र उनका श्रीमान् हर्ष लिम्बाचियाले अप्रिलको पहिलो सातामा डिलिवरी हुने अपेक्षा गरेका थिए ।
सामाजिक सञ्जालमा लाइभ च्याटमा भारतीले भनिन्, “मलाई बधाई दिनेहरूका फोन र म्यासेजहरू आइरहेका छन्। छोरी जन्माएको खबर छ, तर यो सत्य होइन । त्यसैले मैले लाइभ आएर म अझै काम गरिरहेको छु भनेर बताउने निर्णय गरे। डिलिवरीको मिति नजिकिदै गर्दा म डराएको छु।“
भारतीले थप भनिन्, “हर्ष र म बच्चाको बारेमा कुरा गरिरहेका थियौं, ऊ कोसँग जान्छ, तर एउटा कुरा पक्का छ कि ऊ पनि हामीजस्तै रमाइलो हुनेछ।“ भारतीले आफ्ना फ्यानहरूलाई अफवाहहरूमा विश्वास नगर्न आग्रह गरेकी छिन् ।
भारती अहिले आठ महिनाको गर्भवती छिन् । हर्ष र भारतीको विवाह ३ डिसेम्बर २०१७ मा गोवामा भएको थियो ।
