काठमाडौं, २१ चैत्र । पुर्व प्रधानमन्त्री डा.बाबुराम भट्टराईको त्रिभुवन विमानस्थलमा नेकपा माओवादीका नेता वर्षमान पुन र अभिनेत्री रेखा थापासँग जम्काभेट भएको छ ।
जनता समाजवादी पार्टी नेपालका संघिय अध्यक्ष डा.भट्टराईको सोमबार एअरपोर्टमा पुन र थापासँग भेट भएको हो । उनीहरु एक समय एउटै पार्टीमा भएका तीनजना अहिले तीन पार्टीमा आवद्ध छन् । वर्षमान पुन माओवादी केन्द्रका शिर्ष नेतामा पर्छन् । त्यस्तै, रेखा थापा राष्ट्रिय प्रजातन्त्र पार्टीको केन्द्रीय सदस्य हुन् ।
भट्टराईले सामाजिक सञ्जालमा लेखेका छन्,‘एअरपोर्टमा पुराना माओवादी सहकर्मीहरू बर्षमान पुन र रेखा थापासग जम्काभेट !
‘नलाऊ माया दुइतिर..’ भनेर गीत गाउनेहरू तीनतिर पो भइयो भन्ने हासो पनि चल्यो!’
