सल्यानमा जिप दुर्घटना हुँदा भाइको मृत्यु, दाजु सामान्य घाइते

सल्यान, २२ चैत्र । सल्यानमा आज जिप दुर्घटना हुँदा एकजनाको मृत्यु भएको छ भने अर्का एकजना घाइते भएका छन् ।

दारिमचौरबाट श्रीनगरतर्फ जाँदै गरेको भे १ ज ३३६ नम्बरको जिप घुम्तीबाट १५ मिटर तल खसेको थियो । दुर्घटनामा परी शारदा नगरपालिका–१ दारिमचौरका युवक नारायण वलीको उपचारको क्रममा मृत्यु भएको प्रहरीले जनाएको छ ।

सामान्य घाइते भएका जीपका चालक थलराज वली मृतकका दाजु हुन् ।