एजेन्सी, २२ चैत्र । पाकिस्तानमा पछिल्लो तीन दिनदेखि राजनीतिक सरगमी बढेको छ । इमरान खान र सम्पूर्ण विपक्षी आमनेसामने छन् र अहिले बल सर्वोच्च अदालतको कोर्टमा फ्याँकिएको छ, जहाँ यसको सुनुवाइ भइरहेको छ। पाकिस्तानका प्रधानन्यायाधीशको अध्यक्षतामा रहेको सर्वोच्च अदालतको पाँच सदस्यीय इजलासले यो मुद्दाको सुनुवाइ गरिरहेको छ। एआरवाई न्यूजका अनुसार सर्वोच्च अदालतले आइतबारको सुनुवाइका क्रममा राष्ट्रिय सभाको कारबाहीको अभिलेख झिकाएको थियो ।
अदालतले यति दिनपछि अविश्वासको प्रस्तावमाथिको मतदान कसरी गैरकानूनी भयो भनेर पनि भनेको छ । सो क्रममा प्रधानन्यायाधीशले अदालत उपसभामुखको क्षेत्राधिकारमा मात्र सीमित रहेको बताए । इमरान खानलाई देशद्रोही भन्दै सांसद शेरी रहमानले संविधानको खुलेर मजाक गरेको आरोप लगाएकी छन् । त्यसैले उनीहरुलाई पाठ सिकाउन जरुरी भएको छ । उनले अदालतको फैसलाले इमरान खानलाई पक्कै पनि झट्का दिने आशा व्यक्त गरेका छन् । पत्रकार सम्मेलनमा उनले प्रतिपक्ष चुनावबाट भाग्ने अवस्था नरहेको बताए ।
यसैबीच विपक्षी दलले इमरान खानलाई पाकिस्तानको इतिहासकै सबैभन्दा ठूलो भ्रष्टाचारी व्यक्ति भनेका छन् । इमरान खानसँग सरकार बचाउने कुनै उपाय नभएको बेला उनले उपसभामुखको बाटोमा संविधानको उल्लंघन गरेको विपक्षीले आरोप लगाएका छन् । विपक्षी दलले इमरान खानको आदेश पालना गर्ने सबैलाई संविधानको अनुच्छेद ६ विरुद्ध मुद्दा चलाइने पनि बताएको छ ।
सोमबार राष्ट्रियसभामा प्रतिपक्षी दलको अविश्वासको प्रस्ताव अस्वीकृत गर्ने उपसभामुखको निर्णयविरुद्ध परेको मुद्दाको सुनुवाइका क्रममा सर्वोच्च अदालतले सबै दलको धारणा सुन्न र जान्न भनेको थियो । अब यस विषयमा आज सुनुवाइ हुँदैछ ।
