काठमाडौं, २४ चैत्र । नेपाल वायुसेवा निगमको बैंकक–काठमाडौं नियमित उडानमा रहेको न्यारोवडी विमानको टायर पड्किएपछि छानबिन समिति गठन गरिएको छ ।
गत अप्रिल १ मा बैंककको सुवर्णभुमि अन्तर्राष्ट्रिय विमानस्थलबाट टेकअफ गर्ने क्रममा विमानको टायरमा समस्या देखिएपछि सोही विषयमा छानबिन गर्न उच्च स्तरीय समिति गठन भएको हो ।
टायरमा समस्या देखिएलगत्तै विमान रोकेर यात्रुलाई झारेर विमानको प्राविधिक चेकजाँच गरिएको थियो । ती विमानमा रहेका १४१ जना यात्रुहरुलाई नेपाल ल्याइसकेको निगमले जनाएको छ ।
